Minjagripir og handavinnupakkar eru nú seldir í versluninni Unu á Hvolsvelli. Það er hægt að panta vörur eða koma í búðina. Heimsókn í Unu localstore er þessi virði. This email address is being protected from spambots. You need JavaScript enabled to view it. https://www.facebook.com/unalocalproduct/ Souvenirs and handicraft packages are now sold in the Una localstore in Hvolsvöllur. You can order products or come to the store. A visit to Una localstore is worth it. This email address is being protected from spambots. You need JavaScript enabled to view it. https://www.facebook.com/unalocalproduct/

Glaðbeittar saumakonur taka síðustu sporin í refilinn. Happy women are taking the last stitches. 

We completed the embroidery on September 15th 2020. The tapestry is a total 91.16 m long and likely to be the longest tapestry in the world. Ahead to find it future place/museum and to find ways to exhibit it in the best way. We are very happy with this milestone and thank all those who contributed to the project.

Við höfum nú lokið við að sauma í Njálurefilinn. Verkinu var lokið þann 15. september 2020. Refillinn er væntanlega sá lengsti í heimi. Framundan er vinna við að þróa uppsetningu hans og að finna og hanna viðeigandi húsnæði. Við erum virkilega hamingjusöm með þessi merku tímamót og þökkum öllum þeim sem lagt hafa verkefninu lið. 

Gunnhildur og Helga við upprúllaðan refil 15. september 2020. Alls er saumaskapurinn 91.16 metrar. 

Gunnhildur and Helga stand by the completed work. 

Ríkisstjórnin ákvað á fundi sínum þann 28. ágúst 2020 að veita 25 milljónum króna af ráðstöfunarfé sínu til þess að koma hinum svokallaða Njálurefli fyrir í varanlegu sýningarhúsnæði í Rangárþingi Eystra. Refillinn er 90 metra langur hördúkur þar sem Njálssaga er saumuð með refilsaumi.

Verkið hefur verið unnið í sjálfboðavinnu síðastliðin ár, einkum af konum í Rangárþingi, en hönnuður þess er Kristín Ragna Gunnarsdóttir, teiknari og listamaður. Verkefninu, sem lýkur í ár, er ætlað að varðveita á sérstæðan hátt menningararfleið héraðsins og skapa verk sem hefur aðdráttarafl fyrir þá ferðamenn sem hafa áhuga á Íslendingasögunum, listum og handavinnu.

Njála er ein þekktasta fornsaga Íslendinga og margir erlendir ferðamenn og fræðimenn gera sér ferð til landsins til að skoða sögusvið sögunnar á Suðurlandi. Gert er ráð fyrir að kostnaður við að hanna sýninguna og koma henni upp sé um 50 m.kr. og var óskað eftir þátttöku ríkisins í verkefninu. Það er sveitarfélagið Rangárþing eystra sem er eigandi og hefur umsjón með Njálureflinum.

Sjá: Sótt af vef Stjórnarráðsins

Nú er nánast búið að sauma í refilinn. Það er því ekki lengur tekið á móti gestum í refilstofunni til að sauma. Við þökkum öllum þeim mikla fjölda sem hefur komið; til að sauma, til að skoða og fylgjast með og til að kaupa minjagripi. Hægt er að kaupa handavinnupakka og fleiri minjagripi með því að senda tölvupóst á netfangið: This email address is being protected from spambots. You need JavaScript enabled to view it.

Hér má sjá úrval handavinnupakka. 

Visits to the embroidery room for sticting are no longer available. We thank all the many visitors, for theyr interest, for stitching, viewing or buying souvenirs.

You can buy handcraft and other souvenirs by emailing This email address is being protected from spambots. You need JavaScript enabled to view it.
Here you can see a selection of embroidery package.

Ferðafélagarnir fyrir utan Bayeux safnið ásamt safnstjóranum.

Áhugafólk um Njálurefilinn fór til Frakklands dagana 25. - 29. apríl 2019 til að skoða Bayeux-refilinn á Bayeux Museum. Refilinn er 70 metra langur og er á heimsminjaskrá Unesco. Hann segir frá orrustunni við Hastings, þegar Vilhjálmur sigursæli lagði England undir sig árið 1066. Það fór straumur um marga í hópnum þegar komið var inn í portið á safninu. Hópurinn var leiddur í gegnum söguna með hljóð-leiðsögn og þótti sumum nóg um hraðann sem var á því ferðalagi enda margur sem vildi virða betur fyrir sér ýmis smáatriði í reflinum. En þetta er gert til að tryggja flæði í gegnum sýninguna sem 400.000 manns skoða á ári hverju og allt að 3000 manns á dag. Þegar hópurinn hafði farið í gegnum sýninguna tók safnstjórinn Antoine Verney á móti honum og fræddi hann um sögu og varðveislu refilsins.

Metta sem er 6 ára, jafn gömul reflinum, saumaði af kappi í tilefni dagsins.

Þann annan febrúar s.l. héldu kátir saumarar uppá 6 ára afmæli Njálurefilsins. Afmælisfagnaðurinn hófst með snörpum saumaskap og síðan var haldin vegleg afmælisveisla með fínustu súpu og sætindum. Það má segja að vinnan við saumaskapinn sé á lokametrunum. Búið er að sauma 75,70 metra að fullu og næstu 8 metrarnir eru langt komnir. Að þeim loknum verða aðeins sex metrar eftir og ef fram heldur sem horfir verður verkinu lokið á þessu ári. Að meðaltali hafa verið saumaðir um 13 metrar á ári en upphaflegar áætlanir gerðu ráð fyrir að verkið tæki 10 ár þannig að saumaðir hafa verið fjórum metrum meira en gert var ráð fyrir á ári hverju. 

Kátt saumafólk á 6 ára afmælinu.

F.v. Dieter, Gunnhildur, Sigurbjörg, systurnar Metta og Þórdís, Margrét, Lovísa, Helga og Steinunn.

Þuríður Vala Ólafsdóttir og Gunnhildur Edda Kristjánsdóttir losa refilinn frá saumagrindinni.

Þriðjudaginn 6. nóvember 2018 var stór dagur í sögu refilsins, þá var rúllað í næst síðasta sinn, já nú er aðeins eftir að rúlla einu sinni í viðbót. Búið er að ljúka við tæplega 76 metra og 14, 3 metrum ólokið. Á saumgrindinni eru nú 8 metrar og að þeim loknum verða metrarnir 6,3 sem fara á grindina að síðustu. Það var líf og fjör í refilstofunni þegar nýju myndirnar birtust á drifhvítum hördúknum og þegar hófust saumarar handa við að sauma í refilinn. Það dregur nú til tíðinda á grindinni því þar er sjálf Njálsbrenna. 

 

Í dag á Njálurefillinn 5 ára afmæli. Nú höfum við lokið við að sauma 68 metra (12. desember 2017) og búið er að sauma heilmikið í næstu 8 metrana. Þegar við hófumst handa fyrir 5 árum og Vilborg Anna pólfari tók fyrsta sporið í refilinn, var gert ráð fyrir að verkið tæki a.m.k. 10 ár. Dugnaðurinn í saumfólki er slíkur að verkið er langt á undan áætlun. Saumað hefur verið í refilinn í 10.000 skipti, margir hafa saumað óteljandi sinnum og aðrir í færri skipti og sumir, sérstaklega ferðamenn, aðeins einu sinni.

Hér ákveður Gunnar að snúa til baka og fara hvergi. hann kveður Kolskegg bróður sinn og örlög hans eru ráðin.

Þriðjudaginn 26. apríl var stór dagur í sögu Njálurefilsins. Þá var rúllað upp og reyndist 50 metrum lokið. Nú styttist í lokatakmarkið. Það voru glaðir saumarar sem tóku þátt í að rúlla upp að þessu sinni enda stórviðburðir á dúknum. Það er verið að sauma dauða Gunnars og nú taka við eftirmálar. 

 

Skoða myndband frá atburðinum

Skoða myndband frá 20. október 2015 þegar verkið var hálfnað

Njálurefilinn á afmæli í dag, hann er þriggja ára og er bæði farinn að ganga og tala vel og ætlar hann því að halda uppá afmælið frá kl. 19 í kvöld. Lætur hann þá sauma í sig og hlustar á hlátrasköll og skemmtilegar sögur. Það eru allir velkomnir að fagna með honum í Sögusetrinu - Refilstofu í kvöld. 

Jólaundirbúningur er í fullum gangi hjá flestum, það er rólegt hjá okkur í Refilstofunni og best að skella sér í jólafrí frá saumunum. Það verður lokað frá og með laugardeginum 5.des. svo byrjum við á fullum krafti aftur laugardaginn 9. janúar 2016.

Við óskum öllum vinum refilsins gleðilegra jóla og farsældar við saumana á næsta ári.

Aðalfundur Hollvinafélags Njálurefilsins verður haldinn þriðjudaginn 10. nóvember kl 20.00. Fundurinn fer fram í Refilstofunni.

Dagskrá aðalfundar:

1. Kosning fundarstjóra og fundarritara
2. Sýrsla stjórnar
3. Reikningar félagsins fyrir árið 2014
4. Kosning stjórnar

5. önnur mál.

Vonumst til að sjá sem flesta. 

Stjórin

 Sauma- og lestrarmaraþon í Sögusetrinu 

Í tilefni þess að nú eru rétt eitt þúsund ár frá síðasta atburði Brennu-Njálssögu verður haldin Njálulokahátíð í Sögusetrinu á Hvolsvelli helgina 7. og 8. nóvember.

Jakob S. Jónsson leikstjóri og leiðsögumaður les Njálu frá upphafi til enda og tvö af handritum sögunnar verða þar til sýnis. Þau verða sérstaklega flutt í Sögusetrið í lögreglufylgd í tilefni þessa viðburðar.

Setrið verður opið allan tímann meðan á lestri stendur ... og þá ekki síst REFILSTOFAN. Þar verður sauma-maraþon á meðan á lestrinum stendur. Öllum velkomið að taka sporið.  Um að gera að taka þátt í seinni hálfleik. 

Þann 20. október 2015 var tímamótadagur í sögu Njálurefilsins. Þá var rúllað upp og staðfest að verkið er að minnsta kosti hálfnað, en búið er að sauma 45 metra. Verkið er nú komið að 75 kafla sögunnar. Í tilefni dagsins var efnt til veislu í Sögusetrinu þar sem fjöldi fólks kom og samgladdist með vösku saumafólki.  Hæg er að skoða myndir frá viðburðinum á Facebook-síðu Njálurefilsins: https://www.facebook.com/Njalurefill

Gunnhildur tekur við menntaverðlaunum Suðurlands úr hendi forseta Íslands hr. Ólafi Ragnar Grímssyni. 

Á hátíðarfundi Fræðslunetsins - símenntunar á Suðurlandi var Njálureflinum veittur sá heiður að hljóta menntaverðlaun Suðurlands fyrir árið 2014. Það eru Samtök sunnlenskra sveitarfélaga sem veita þessi verðlaun og voru 11 aðilar tilnefndir að þessu sinni. Það var forseti Íslands hr. Ólafur Ragnar Grímsson sem afhenti verðlaunin. 

Það er mikil viðurkenning fyrir Njálurefilinn að hljóta þessi verðlaun og eru aðstandendur verkefnisins, þær Christina M. Bengtson og Gunnhildur Edda Kristjánsdóttir afar þakklátar fyrir hana og einnig öllum þeim sem hafa tekið þátt í verkefninu með þeim.